Мерката 14.500 денари плата по вработен се однесува на сите фирми кои се погодени од коронакризата вклучувајки ги и управителите и сопствениците на фирмите како вработени во истите. Ова е измената што е направена денеска на владина седница во насока на заштита на микро и малите фирми. Министертката за финансии Нина Ангеловска доцна попладнево на својата ФБ страна ги објави измените на уредбата за поддршка на стопанството и задржување на секое работно место
,, Флексибилноста, брзата реакција и слухот се клучни во менаџирањето на ваквата кризна состојба. ДЕНЕС на владина седница донесовме измена на уредбата. Делуваме во насока на поддршка на стопанството и задржување на секое работно место! Се трга условот управители и сопственици на бизнисите вработени во истите да не може да ја користат мерката (а во насока на заштита на микро и малите фирми). Бројот на вработени треба да се задржи 2 месеци по користење на мерката односно до јули 2020,, стои во објавата на министерката Ангелоска
Таа завчера за емисијата Економскиот магазин истакна дека аплицирањето оди многу едноставно
-Во УЈП на системот е-даноци компаниите пополнуваат барање до 5-ти во месецот, значи до 5-ти мај за претходниот месец дека ги исполнуваат условите. Изјавуваат под морална и кривична одговорност дека им се паднати 30% од приходите, неколку полиња се што ги штиклираат и пополнуваат барањето. Во рок од три дена УЈП ги информира за комплетноста на барањето, тоа е овој формулар кој е сега и објавен. Потоа компаниите во МПИН образецот кој го пополнуваат на месечно ниво за исплата на плата, штиклираат за кој работник побаруваат помош,, кажа Ангеловска.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
