Сопствениците и менаџерите на фирмите мора да се прилагодат на новото време и новата генерација работна сила која бара почит, внимание, да биде вклучена во носењето одлуки, да биде разбрана. Новата генерација работна сила не трпи строги наредби како претходно, туку сега освен добра, фер плата и услови, бараат внимание и коректен однос. Вака кажаа Биљана Велевска и Наташа Ивановска бизнис консултанти кои во Струмица имаа обука како да се надмине генерацискиот јаз меѓу работодавачите и вработените но и непарично да се мотивираат и активираат вработените.
,, Пазарот на труд станува прилично тесен, имаме мала понуда. Задржувањето на вработените е проблемот бидејки скап е процесот на наоѓање, градење и обука на вработените. Ова нова генерација на вработени бараат да бидат ценети, почитувани и консултирани за било што во бизнисите. Менаџерската позиција бара работа со луѓе не е само само планирање, организирање и како да се стаса до профит. Вработените го креираат профитот,, кажа Биљана Велевска
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
