Членовите на Македонското добротоворно друштво ,,Пирок’’ од Швајцарија на 15 февруари, за двојниот празник ,,Св. Трифун’’ и ,,Св. Валентин’’, организираат голема хуманитарна забава на која ќе се собираат донации за лекување на пет лица во Македонија. Забавата ќе биде во Паерн каде ќе настапат Анета со групата Молика, Џамбо со орекстарот Агушеви, 2 Бона, членовите на КУД Св. Наум Охридски од Тринген но и настап на повеќе ди џеи.
Како што информираат од Македонското друштво Пирок на забавата ќе се собираат донации а ќе се продаваат и разновидни слатки, при што упатија покана до сите домаќинки да донесат специјалитети кои ќе бидат понудени на продажба во координација со Македонка Ѓоргиева. Собраните средства ќе бидат подеднакво поделени на лицата Владимир Грчев и Ѓорги Трајков од Струмица, Лука Јовановски од Скопје, Павел Стојановски од Свети Николе и Ева Колоска од Охрид кои доставиле барања за финансиска помош до ова друштво.
Ова не е првпат да членовите од МДД Пирок од Швајцарија да организираат хуманитарна музичка забава. Во Ноември минатата година исто така организираа забава на која беа собрани околу 11 илјади швајцарски франци кои беа поделени за лекување на десетина лица од земјава на кои им беше неопходна финансиска помош.
Еве ја поканата на Џамбо и Агушеви за забавата закажана на 15 февруари
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
