Полициски службеници од СВР Струмица со делење на летоци и непосреден разговор со граѓаните објаснуваа дека полицијата постои за да биде во служба на заедницата, да креира побезбедни средини за граѓаните каде тие ќе чувствуваат поголема сигурност и дека е потребна нивната соработка за побезбедна и посигурна иднина. Тие од плоштадот Струмица ја почнаа кампањата „МВР за граѓаните – заедница, доверба и одговорност“ која во наредниот период ќе продолжи и во Радовиш, Валандово, Гевгелија.
,, Факт е дека граѓаните најдобро знаат со какви предизвици се соочуваат во заедницата во која живеат. Преку нивното идентификување, анализа и коренито решавање имаме за цел да влијаеме за долгорочно намалување на тие проблеми.
Станува збор за концепт кој го развиваме во последните неколку години, а за тоа говорат и бројните превентивни активности кои ги реализиравме на подрачјето, меѓу кои „застани разговарај“, „заштита од провални и дрски кражби“, „заштита од измами“, „стоп за возење под дејство на алкохол“, „паркирај совесно, паркирај одговорно“ и други,, кажа Александра Трајанова портпарол на СВР Струмица
Таа презентираше и податоци за зголемената ефикасност на СВР Струмица. Лани во Југоистокот биле пријавени 260 кривични дела „тешка кражба“, а бројот на овие дела во 2021 бил 299. Намалени се и кривичните дела кражби. Лани се регистрирани 98 кривични дела а во 2021 – 131. Намален е бројот и на кривичните дела разбојништва, лани се регистрирани 9 кривични а во 2021 19 кривични пријави
Во делот на откривачката дејност токму кај разбојништвата е забележана 100% во делот на откривање на сторителите. 41 % од пријавените тешки кражби лани се откриени сторителите, додека кај пријавените кражби во 40 одсто од случаите се откирени крадците.
,,Наш главен приоритет останува да градиме полиција која ќе биде видлива, полиција која ќе го познава маалото и маалото ќе ја познава неа, па затоа денес во Струмица, а во наредните саботи во Валандово, Радовиш и Гевгелија ја реализираме оваа кампања, со цел уште повеќе да ја доближиме полицијата до граѓаните, да градиме доверба и со меѓусебна соработка да ја зголемиме безбедноста, која е од заеднички интерес за сите нас,, кажа Трајанова
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
