Министерството за внатрешни работи денеска објави оглас за вработување на 600 полицајци. 20 полицајци се планира да бидат вработени во СВР Струмица кој го покрива Југоисточниот регион. Освен во СВР Струмица се планира да бидат примени и 10 полицајци во Регионалниот центар за гранични работи Југ кој го покрива овој дел од државата.
Останатите полицајци ќе бидат распоредени во Секторот за внатрешни работи Скопје 300 извршители, во Секторот за внатрешни работи Охрид се отворени места за 100 извршители, прием за 30 извршители е овозможен во Секторот за внатрешни работи Тетово, по 20 во секторите за внатрешни работи во Куманово, Штип, во Одделот за заштита на определени личности и објекти, како и во Регионалните центри за гранични работи Север и Запад. По 15 извршители се бараат во секторите за внатрешни работи Битола и Велес, а по 10 извршители во регионалните центри за гранични работи Исток и Југ.
Покрај општите услови наведени во огласот, кандидатите треба да исполнуваат и посебните услови, и тоа потребна телесна висина од најмалку 175 см (мажи), 165 см (жени) и висока лична физичка подготвеност, и не смејат да бидат членови на политичка партија.
Избраните кандидати ќе поминат обука од една година во Центарот за обука на МВР.
Рокот за пријавување е 15 дена, а за повеќе информации на www.mvr.gov.mk.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
