Оглас за вработување на 600 полицајци во повеќе сектори низ Македонија објави утрово Министерството за внатрешни работи. Конкурсот ќе трае 15 дена, а во објавениот оглас се наведени потребните услови кои треба да ги исполнат сите ониe кои сакаат да конкурираат.
Според огласот најмногу полицајци – 150 ќе се вработат во Скопје, 70 во Охрид, 50 во Струмица, 20 во Велес и по 10 во Битола, Тетово, Штип и Куманово. Предвидено е 270 полицајци да се вработат и во регионалните центри за гранични работи.
Во огласот на МВР се наведува дека потенцијалните полицајци треба да имаат најмалку завршено средно образование, добро да го познаваат македонскиот јазик, да имаат одредена височина за мажи и жени, но и посебни психо-физички способности.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
