Локалниот совет за превенција на Струмица на денешната седница побара засилени контроли од надлежните за да се ослободат узурпираните тротоари од возила на градежните фирми што работат во населбата Карпош во Струмица или поконкретно улицата Мајка Тереза. Барањето ќе биде доставено до МВР но и до инспекциските органи како и до ЈПКД Комуналец.
До локалните власти во Струмица стасале голем број реакции од граѓани од овој дел на градот бидејки се загрозува безбедноста на пешаците а поконкретно на големиот број деца што одат на школо во ООУ ,,Сандо Масев“ во Струмица.
,,Договорено е да се засилат контролите од страна на МВР за да не може да се узурпираат тротоарите од страна на градежните компнании кои изведуваат градежни работи во населбата Карпош, а една пешачка патека постојано да биде слободна за движење на пешаците, посебно на учениците и ќе зачестат и контролите од општинските инспекциски служби, а ЈПКД „Комуналец“ да учествува во расчистувањето на сметот во оваа населба,, објави Општина Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
