Бирото за јавна безбедност при МВР денеска од Струмица ја започна кампањата насловена како „До вас, за вас“ чии цели произлегуваат од стратешката заложба на македонската полиција во рамки на концептот за „Полицијата – сервис на граѓаните.
“МВР и БЈБ на чие чело се наоѓам, сме цврсто решени да дадеме приоритет на активностите насочени кон поинтензивно зближување на граѓаните кон полицијата, како нивен кредибилен сервис и партнер. Македонската полиција била и ќе биде секогаш на страна на редот и законите, а примарно во интерес на сите наши граѓани“, истакна првиот човек на БЈБ на МВР, директорот Александар Јанев
Граѓаните во наредниот период ќе можат да се запознаат со полициските капацитети, опремата и човечки ресурси, а караванот ќе помине низ сите поголеми градови низ државава. Еден од мотивите на оваа активност е да испрати јасна порака до граѓаните, но и до локалните власти, дека таа, како институција, односно сервис на граѓаните е целосно отворена и подготвена за тесна соработка
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
