Младиот шахист Мартин Гоцев од Струмица – член на ШК ,,Цареви Кули’’ освои злато и стана Шампион на Отвореното првенство на град Скопје за млади до 8 години. Станува збор за натпреварување во организација на Шаховски Сојуз на Скопје еден од најсилните во земјава што викендов се одржа во ПОУ „Јахја Кемал – Скопје, каде ШК ,, Цареви Кули учествуваше со 10 млади натпреварувачи во категориите до 8, 10 и 12 години.
Мартин Гоцев првото место го освои во конкуренција од 34 деца. Тој од седум партии освои 6 поени совладувајки ги ривалите од клубови кои традиционално се на врвот во македонскиот шах.
,,Ова е феноменален резултат за една многу млада личност која со својот талент и упорна работа успеа да се закити со овој вреден шаховски трофеј,, објавија од ШК Цареви Кули клуб кој на последното Државно првенство за млади во екипна конкуренција го освои второто место.
Боите на ШК Цареви Кули Струмица во конкуренција до 8 години ги бранеа и Јован Вукашиновиќ, Мартин Велков, Трајче Карадакоски и Давор Диков. Во конкуренција до 10 години одлично се преставија Тодор Партенов, Стефан Ончев и Иван Илиев
најблиску до медал беше и Кристијан Кавазов кој за половина поен не успеа да биде меѓу најдобрите тројца за деца до 12 години. Во ова конкуреција учествуваше и Јован Крумов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
