Ученикот Марко Кренков од ООУ ,,Видое Подгорец“ од Струмица кој беше дел од тимот на Македонија освои бронзен медал на Европската јуниорска олимпијада по информатика која се одржа од 16 ти до 22 август во Кишињев Молдавија. Марко има 14 години и следната учебна година ќе биде деветоодделенец.
Како што соопштија од Здружението на информатичари а Македонија (ЗИМ) станува збор за престижен интернационален натпревар во програмирање за ученици на возраст до 15,5 години.
Освен Марко Кренков кој првпат настапува на едно високо наптреварување Македонија ја преставуваа и Владимир Грчев од Кочани, Никола Стојковски од Скопје и Бисера Илиева од Скопје.Т имот беше раководен од лидерите, Владислав Бидиков и Иван Занов од Факултетот за информатички науки и компјутерско инженерство (ФИНКИ).
Кренков, Грчев и Стојковски освоија бронзени медали што преставува огромен успех за Македонија што го потврди и претседателот на Здружението на информатичари Миле Јованов
,, И покрај редовните системски пречки кои ни се случуваат од страна на државните институции, намерни, ненамерни, со волонтерско залагање на членовите на ЗИМ, истакнати професионалци информатичари успеваме да постигнеме крајно високо ново на знаења на учениците. Три медали за Македонија е многу висок резултат, ако се земе предвид и големината на нашата земја. и. Се уште чекаме одговор на барањето до МОН за покривање на трошоците за ова патување до Молдавија, како законска обврска на МОН која произлегува од Законот за основно образование, појаснува Јованов.
На олимпијадата во Молдавија годинава како што објавија од ЗИМ учествувале вкупно 98 ученици од 26 европски земји. Следната, деветта Европска јуниорска олимпијада по информатика (ЕЈОИ 2025) ќе се одржи идната година во Азербејџан.
Македонските ученици – информатичари ќе учествуваат на Интернационалната олимпијада по информатика (ИОИ 2024), која ќе се одржи од 1 септември до 8 септември 2024 во Александрија, Египет.(В.Трајков фото: ЗИМ)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
