Утревечер во Домот на културата „Македонија“ во Гевгелија, младата авторка Марија Ќорнакова ќе има изложба на графики чиј уникатен визуелен израз ги истражува границите на современатљ графика, додека младиот Никола Досков исто така од Гевгелија ќе го промовира својот втор албум насловен “Sense Generator“
Ќорнакова во август 2023 година ја претстави изложбата на цртежи и графики насловена „Спознавање“ во рамките на петнаесеттото издание на фестивалот „БОШ“ во Гевгелија. Изложбата се фокусираше на стремежот кон духовното преку органскиот ритам на сите нешта и интуитивното спознавање. Покрај тоа, нејзини дела беа дел од изложбата „Ненаситни“, која по претставувањето во Белград (мај 2024) беше прикажана и во Скопје, пред да замине за Загреб.
На настанот во Гевгелија слушачка промоција на својот нов албум ќе има младиот автор на електронска музика Никола Досков од Гевгелија, потпишан како Бо на своите изданија. Станува збор за неговиот втор албум „Sense Generator“ издаден од издавчката куќа Logos recordnigs. Албумот опфаќа 12 траки со длабок хаус, електро и атмосферични, брејкбит звуци, инспирирани од британската и детроитската сцена. Гостин на настанот ќе биде сопственикот на издавачката куќа Logos Recordings македонскиот продуцент и диџеј Самоил Радински!
Oвој настан е дел од програмските активности на Здружението АРТ УМ 023 кој има за цел да ги промовира авторски дела на локални автори во различни области од регионот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
