Младата Марија Стојанова од Струмица веќе подолг период се занимава со изработка на еко свеќи кои на домот му даваат посебна естетика и убавина но и топла и пријатна атмосфера. Има 19 години а веќе зад себе изработени стотици експонати во кои има внесено многу љубов, труд. Своите креации се под името „elitemcandles“ со што етапно го гради својот бренд внесувајки интересни креации и вештини.
Според неа станува збор уметност во која коисти природни матријали изработувајки фигури како еко свеќи кои носат посебни приказни. Својата детска соба ја има претворено во мини работилница во која истражува, креира и усовршува техники низ кои излегуваа крајните производи.
„Љубовта кон свеќите се роди сосема природно, од мојата желба за создавање топла и пријатна атмосфера дома. Отсекогаш ме привлекувале детали кои носат мир и естетика, а свеќите се токму тоа – спој на светлина, мирис и уметност. Идејата да почнам сама да ги изработувам дојде од љубопитноста да создадам нешто квалитетно и еколошко, што ќе биде уникатно и рачно направено со многу внимание. Тој креативен процес едноставно ме освои уште од првиот момент“ вели младата Марија
Нејзиниот фокус се еколошките свеќи. Користи соја восок и памучни фитили кои овозможуваат горење без чад. На сето тоа додава и висококвалитетни природни мирисини масла кои се безбедни за домот. Сето тоа со уметност им дава уникатност на крајните производи. Производите на Марија може да се видат на социјалните мрежи. Таа секојдневно ги објавува своите уникатни еко свеќи на ФБ и на Инстаграм кои може да се видат на овој ЛИНК.
„Моите свеќи се изработени од 100% природен соја восок кој е безбеден за домот, горат подолго и не испуштаат токсини. Со секоја купена свеќа, вие добивате уникатен, рачно изработен производ во кој е вложено огромно внимание на деталите и искрена љубов кон занаетот. Секој експонат се изработува со рачно излевање во мали серии. Ова ми овозможува да посветам внимание на секој детал – од идеалната температура на која се додава мирисот, па сè до самото ладење на восокот. 6 до 12 часа трае процесот“, потенцира Стојанова која сака да го развива EliteM Candles и да стане име за квалитет и природна естетика (В.Трајков / фото ФБ)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
