Вчера на патот Добрејци – Пиперево пред мостот на реката Струмица излета патничко моторно возило ,, лада” управувано од малолетничка. Возилото било без регистарски ознаки и од засега непознати причини пред мостот изгубило контрола и излетало во реката. 17 годишната малолетничка се здобила со тешки телесни повреди и била префлена во струмичката болница, информираа од МВР
,,Вчера во 11.00 часот на локален пат од с.Добрејци кон с.Пиперево, струмичко, поточно на мост на река Струмица, патничко возило „лада“, без регистарски ознаки, управувано од 17–годишна малолетничка, изгубило контрола и излетало од коловозот во р.Струмица. Во незгодата, со тешки телесни повреди се здобила малолетничката, констатирани во Медицински центар Струмица, каде што била пренесена за укажување лекарска помош. Увид на местото на незгодата извршила екипа на Полициска станица Струмица,, стои во известувањето на МВР
Инаку на оваа локација пред извесен период починаа две момчиња од Пиперево и Добрејци откако со трактор излетаа во реката Струмица и според надлежните смртта настапила од давење.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
