Славица Малинова од Куклиш Општина Струмица и Катерина Трајкова од населеното место Долно Чичево кај Велес се прогласени за жена фармер за 2025 година на Агро саемот во Струмица. Организаторот на ова манфистација, здружението ,,Проагро фаремери“ од Струмица распиша јавен повик и од пристигнатите пријави одлучи оваа признание да го додели на Трајкова од велешко Долно Чичево која се занимава со сточарство, овоштарство и лозарство и градинарката од струмичко Куклиш Славеница Манолева
Малинова од Куклиш која има 36 години со својот сопруг произведуваат 230 тони зеленчук или поконкретно 80 тони пролетни домати, 50 тони пролетна зелка и исто толку црвени пиперки од сортата куртовска капија а сезоната ја завршуваат со околу 50 тони есенски домати.
Катерина Трајкова од велешко Долно Чичево пак најпрво почнала со пчеларство. Со семејството има околу 120 пчелни семејства и произведуваат квалитетен ливадски мед. Има неколку хектари круши од сортата јунска убавица но и околу 30 тина декари лозови насади со вранец и смедеревка а од ова година отвора и семејна винарија и произведува вино ,,Катерина Трајкова“.
Саемот во Струмица петта година го организираше здружението „Проагро фармери“ од Струмица. Првиот човек на ова здружение Борче Јанев кажа дека целта на оваа манифестација е поддршка на домашното земјоделско производство.
,,Целта на саемот е да го промовираме домашното производство, додека посетителите сакаме да ги поттикнеме да купуваат домашни производи, да ги запознаат домашните производители, локални херои, производители на храна, да ги слушнат нивните приказни, да ги вкусат нивните производи, а нам ни останува да купуваме македонски производи, рече Јанев. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
