Капитенот на македонската фудбалска репрезентација Горан Пандев тврди дека македонскиот фудбал има потенцијал и капацитет како на репрезентативен така и на првенствен план, но потребни се компетенти луѓе да го водат а не лица за пари и интерес. Тој ова го вели во мега интервјуто за италијанскиот calciomercato.com каде објаснува за неговите почетоци, кариера и случувањата во македонскиот фудбал каде е на прагот да ги исполни сонот – настап на Европско првенство за што не делат само уште два натпревари.
,, Постојат силни играчи, се надеваме дека ќе го оствариме овој сон. Во македонскиот фудбал има многу работи што треба да се подобрат. Сигурно структурите, ако сакаме лигата да стане посилна и фудбалските деца да ни растат и се усовршуваат во професионалци. Но за ова Ви требаат компетентни луѓе, водени од страст, кои ќе се обидат да работат на зголемување на промените кон подобро а не за пари или интерес. Значи ни требат водечки структури кои имаат љубов кон македонскиот фудбал,, вели во интервјуто Горан Пандев кој тврди дека македонската репрезентација пораснала многу со фудбалери кои играат во лигите во Италија, Шпанија, Португалија, Англија, Белгија, Холандија .
Тој вели дека тука се и младите кои пред 4 години беа на Европското првенство за фудбалери до 21 година и сега се дел од сениорскиот состав кои заедно со Ристовски, Димитриевски, Несторовски, Трајковски и другите фудбалери создадоа одличен тим односно репрезентација која сонува за ЕП и треба да ги натера луѓето да се стремаат за подобро во мак фудбалот
Горан Пандев дава кратко резиме и за ФК Академија Пандев кој за кус временски период од младинска школа стаса до Европа, проект кој смета дека же продолжи долго време и ќе продуцира квалитетни фудбалери.
,,Во 2010 година ја отворив Академијата затоа што таа година сакав да ја паметам засекогаш, сакав да направам нешто за мојот народ. Со мојот пријател Југослов Тренчовски и мојот поранешен тренер Матиничаров, направивме убава работа. Фудбалот во тоа време доживеа тежок период бидејки нашиот матичен клуб Беласица ги загуби сопствениците и немаше начин да се движи напред. Отворивме фудбалска академија со многу деца за да по неколку години стасаме и во Првата лига. Лани го освоивме и Купот на Македонија.. За десет години Академијата направи нешто необично и ние сме многу среќни.Има некои момци кои ветуваат многу, дел од нив играат во различните младински репрезентации.
Се надеваме дека сето тоа ќе помогне фудбалски да растеме. Многу фудбалски набудувачи ја следат нашата мала реалност и ни преставува задоволство и се надевм дека проектот може да продолжи долго време,, вели струмичкиот интернационалец Горан Пандев во интервјуто за италијанскиот calciomercato.com
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
