Со поддршка од Словенија, Македонски Каритас во седум општини од Југоистокот ќе имплементира проект со кој се очекува зајакнување на капацитетите на заедниците за имплементација на одржливи решенија за пристaп до безбедна вода, чисти водотеци i и климатска отпорност. Паралелно ќе се потикнуваат женски зелени иницијативи и нивно активно вклучување во носењето одлуки.
Проектот ќе се имплементира во Струмица, Босилово, Ново Село, Валандово, Богданци, Дојран и Гевгелија. Ќе се работи на надградба на канализациски системи и обновување на водотеци, ќе се реализираат обуки за јакнење на капацитетите на вработените во општините и можност за реализација на заеднички еко иницијативи а ќе бидат поддржувани со обука и грантови женски зелени иницијативи. За време на реализацијата на проектот ќе има и кампања за подигање на јавната свест.
Од таа причина изминативе денови, преставници од Македонски Каритас беа во посета на сите седум општини и го презентираа проектот кој треба да донесе подобрен пристап до безбедна вода и санитација, намалено загадување на водотеците, зајакнати институционални и технички капацитети, учество на жените во донесување на одлуки и поддршка на локалниот развој и зелени иницијативи.
Проектот е насловен „Вклучување на жените во подобрувањето на услугите за достапност до чиста вода и санитација и зајакнување на отпорноста на климатските промени во Македонија“ а Македонски Каритас ќе го имплементира со поддршката од од Министерството за надворешни работи на Словенија и Словенски Каритас. (В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
