Македонските репрезентативци во еспорт и годинава ќе учествуваат на Светското првенство, кое ќе се одржи во август во Романија. Оваа година МЕСФ учествува со 16 репрезентативци на меѓунанордни натпревари во организација на Меѓународната Еспорт Федерација. „Очекуваме солидни резултати и оваа година и се надеваме дека повторно ќе освоиме медал на Светското првенство. Овие победи се од големо значење за развој на еспортот кај нас и придонесуваат за популаризација на гејмингот како вистински спорт„ изјави Бобан Тотовски, претседател на Македонската Еспорт Федерација.
Минатиот месец се одржаа националните квалификации за PUBG Mobile, Tekken 7, eFootball 2023 и CS:GO за Светското првенство.
Квалификациите почнаа со PUBG Mobile со 10 пријавени екипи, меѓу кои победи екипата Almost Famous, која ќе не претставува и на европските регионални квалификации. Се одржаа натпревари во Tekken 7 и eFootball 2023 во Арена Еспорт Клубот. Во Tekken 7 најдобрите 12 се натпреваруваа за прво место, а победник беше Александар Мукаетов од Охрид. Во eFootball 2023 од вкупно 13 пријавени најдобар беше актуелниот шампион, Давид Гаревски кој по трет пат ќе не претставува на Светско првенство. За овие две игри, МЕСФ обезбеди директно учество на Светското првенство во Романија.
На играчите во CS:GO им беше потребно малку повеќе време за да се дознае тимот, кој благодарение на освоеното злато од минатото Свестско првенство во Бали, ќе патува директно за Романија. Во елиминациите учествуваа 23 тимови од кои најдобрите 4 ќе играат против 4 директно пласирани тимови. Во финалето се соочија екипите на Crysis Esports и минатогодишните победници од Светското првенство во Бали, Airliya.
Airliya со 2:0 против Crysis Esports докажаа зошто два пати по ред се најдобри во светот. Така Дамјан Стоилковски, Александар Ќулкоски, Павле Стојановски, Даниел Глигоров, Андреј Манчевски, Јане Апостолски и Зоран Марковски по трет пат имаат можност да ја претствауваат Македонија на ова Светско првенство на кое учествуваат 120 држави.
Играчите во ДОТА Александар Ивановски, Горазд Мамуровски, Ристе Нелоски, Стефан Станојковски, Игор Стојков, Дамјан Јордановски и Петар Ѓешоски изиграа пријателски натпревари со репрезентациите на Франција, Црна Гора и Унгарија. Следно за ДОТА2 репрезентацијата е учество на регионалните натпревари за Светското првенство.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
