Македонската одбојкарска репрезентација беше убедлива против селекцијата на Косово на стартот на меѓународниот одбојкарски турнир „Бранко Хаџииљоски Чајка кој започна во салата „Парк“ во Струмица.Македонија славеше со 3:0 во сетови ( 25:12, 25:7, 25:19 )
Селекцијата на Косово немаше сила на расположените ,,спартанци“ кои покажаа доминција во текот на сите три сета. Капитенот Никола Ѓорѓиев мечот го заврши со 12 поени, Александар Љафтов имаше 9 поени, техничарот Ѓорѓи Ѓорие запиша 7. По 5 поени реализираа Владо Милев и Филип Савовски, а 5 имаше Стојан Илиев.
В сабота, Македонија ќе игра против Израел. Македонската машка одбојкарска репрезентација овие натпревари ги користи како завршен филтер и подготовка пред заминувањето за Тбилиси, каде што ќе игра против Грузија во воведното коло од евроквалификациите за пласман на континенталниот собир во 2026 година.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
