Македонецот Марјан Атанасов го носеше олимпискиот пламен во Пјаченца Италија – држава каде годинава во февруари е домаќин на 25 тите Зимски олимписки игри. Тој викендов со група на спортисти и истакнати личности на Италија трчаше со олимпискиот пламен по улиците на Пјаченца каде се што живеат илјадници македонци. Атанасов е меѓу 10 001 носител на олимпискиот факел во Италија пред стартот на игрите во Милано Кортина на 5 ти февруари.
„За мене, да бидам избран за претставник на Милано Кортина 2026 значи ширење на една позитивна порака а таа е обединување на луѓето, нациите и разните истории преку спортот. Тоа значи претставување на вредности како што се почит, посветеност, вклученост и фер-плеј, не само за време на патувањето на пламенот, туку и во секојдневниот живот. Гледањето како пламенот поминува од рака на рака е потсетник дека секој, за некое одредено време, може да биде дел од нешто поголемо,, вели Атанасов кој во Италија живее од 1998 година
Тој вели дека детскиот сон од олимписките игри во Сараево конечно му се исполнил. Гледајки ги игрите на 11 годишна возраст во некогашна Југославија посакал еден ден да биде носител на олимпискиот факел. Таа желба која тлеела разгорела во 2006 тата кога Италија беше домаќин на олимписките игри во 2006 тата.
,,Сон кој што е роден за време на Олимписките игри во Сараево во 1984 година, потоа продолжен во Торино 2006 година и сега за Милано Кортина 2026 година. Уште од дете, Олимписките игри отсекогаш ми биле симбол на соништа, посветеност и единство меѓу луѓето. Идејата да може да се носи пламенот, дури и на кратко растојание, ме натера да се чувствувам како дел од нешто поголемо од мене. Сознанието дека учествував, го прави ова искуство уникатно и незаборавно за мене“, вели Марјан кој е крводарител во Пјаченца
Атанасов е доста активен на промоција на македонската култура, музика и традиции во Италија. Бил вклучен во асоцијацијата на македонците ,,Сонце – Соле“ но и во повеќе проекти во интерес на македонската заедница во Пјаченца (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
