Ѕидна слика со димензии 8,5 и широка 5 метри ја краси предната фасада на влезот во Домот на АРМ во Струмица. Сликата е насловена ,, Лузна ’’ а ја изработи струмичкиот познат уметник Никола Пијанманов кој преку неа алармира за значењето на природата. Станува збор за дело кое се изработи во рамките на кампањата „Еко фронт” на општина Струмица за подигање на еколошката свест и соочување со предизвиците од загадувањето и ништењето на животната средина.
-Во едната дланка крвотокот се отсликува во форма на крошна од дрво.Таа рака го носи во себе печатот на прадрвото, сеќавањето на Еденската градина, но и стигмата на страдањето – жртвите и маченици на модерните болести. Во другата дланка која станува суво дрво се згрчени гранки-прсти е втиснат печатот на сушата. Разделбата со дрвото е распетието на современиот човек. Денеска нашите дланки се виткаат во грч од изчезнувањето на таа природа. Дланката на современиот човек е сува од стихијата на апокалиптичните загадувања, пластики, пустошењето на дрвјата, небото и водите’’, вели Пијанманов.
Изработката на ова уметничко дело, покрај општина Струмица финансиски ја поддржа и компанијата „Изолмак – Фибран“ од Струмица што претставува добар пример и за остантите компании да се приклучат во борбата за почиста и поздрава животна средина.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
