Две скопски фирми ги добија локациите за рекламни паноа во Струмица. На распишаниот конкурс на општината, тие доставиле најдобри цени и 40 те локации за рекламни билборди се издадени за годишен закуп 2 350 0000 денари или за околу 38,2 илјади евра што е за седум пати повеќе од почетните 5,6 илјади евра
Како што не информираа од општина Струмица, 25 те локации за рекламни паноа со димензии 5 на 2,4 метри постигнале цена од 1 300 000 денари или за околу 21 илјада евра годишен закуп што е речиси за 7 пати повеќе од почетните 3 300 евра. Овие 25 локации ги доби фирмата Акцент Медиа
Втората група на локации за рекламни паноа – билборди во Струмица се издадоа за 1 050 000 денари или 17 илјади евра годишен закуп а почетната цена изнесуваше 2 300 евра. Станува збор за локации со димензии 4 на три метри и нив ги доби ООХ Медиа ДООЕЛ Скопје
Јавниот повик беше распишан на 20 ти јануари. Тогаш Општина Струмица го објави повикот до правните и физички, домашни и странски лица за добивање на правото за поставување рекламни паноа на 40 утврдените локации за времетраење од пет години. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
