Претседателот на Собранието на Македонија – Африм Гаши ги закажа локалните избори а ДИК на седница ги усвои изброните рокови. Првиот изборен круг ќе биде на 19 октомври додека вториот две недели, подоцна на 2 ноември. 13 септември е крајниот рок до кога ќе може да се поднесат листите на кандидати на учесници на изборите до општинските изборни комисии, како за градоначалник така и за членови на Советот.
Политичките партии етапно ги објавуваат своите кандидати за градоначалничката функција за општините. Во Струмица СДСМ ќе оди со Марјан Даскаловски додека владеачката ВМРО ДПМНЕ сеуште го нема откриено својот фаворит. Неофицијално изборот ќе падне меѓу Петар Јанков или Никола Маџунков. Од партијата соопштија дека се праваат последните консултации.
ВМРО ДПМНЕ и СДСМ за останатите три општини од струмичкиот регион ги објавија своите адути. Во Василево владеачката ВМРО ДПМНЕ оди со актуелниот градоначалник Славе Андонов додека опозициската СДСМ во Ванчо Новоселски пораншениот прв човек на инспекцискиот сектор при Агенцијата за храна и ветеринарство.
Во Босилово ,,борбата“ за градоначалничката функција ќе се води меѓу Ристо Манчев актуелниот градоначалник од редовите на ВМРО ДПМНЕ и неговата колешка вработена во општината Мариче Кармазичева како кандидат на СДСМ. Во општина Ново Село СДСМ оди со Петар Спасов вработен во рентген одделението при струмичката болница и поранешен градоначалник на ова општина а владеачката ВМРО ДПМНЕ оди со актуелниот градоначалник на Ново Село Ѓорге Божинов
Засега нема објавено имиња на кандидати за градоначалници од други политички партии иако не се исклучува можноста до 13 ти септмеври во игра да влезат и кандидати од помалите партии. Листи за советници за општините во струмичко најавуваат повеќе политички партиии кои веќе ги креираат. Имињата кои се ќе бидат на листите за советници се очекува да се знае до крајот на август. (В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
