Повеќе од пет години Борче Боев преку ФК „Карпошово“ од Скопје тренира лица со Дауновс синдром и лесна попреченост кои се физички активни. Станува збор за повеке лица кои го сакаат фудбалот и веќе се тим кои освен на домашна се натпреваруваат и на меѓународна сцена. Ги има од Скопје, Кавадарци, Штип, Конче, Куманово – Македонија во мало и неретко кога настапуваат надвор од земјава ги нарекуваат македонскиот национален тим.
,, Нашата цел е да овозможиме на овие лица преку фудбалот да се дружат, стекнуваат нови пријателства, да се социјализираат. Овие деца буквално се како едно семејство и заедно одиме и на подготовки и на натпревари. Сакаме да докажеме дека фудбалот е за секого што е впрочем и наше мото“, вели тренерот Боев
Тие деновиве беа шест дена во Дојран во СЦ „Истатов“ на заедничко дружење но и лесни подготовки со оглед дека преку летото ќе немаат „фудбалски“ ангажман. Беа дел од фудбалскиот камп ,,Дојран 2025“ каде играа фудбал во сала, вежбаа во теретана и пливање во базен.
,, Сакаме да упатиме порака до сите лица кои се со лесна попреченост а се физички активни да ни се приклучат. Не треба децата да ги затвораме туку да им овозможиме услови за спортување. Преку фудбалот да срушиме нови граници и да покажеме дека сме инклузивно општество.“, кажа Боев
Веќе во Октомври ќе патуваат за Бугарија а освен во ова држава патуваат во Србија, Хрватска каде се натпреваруваат со екипи исто така составени со лица со лесна попреченост. Веќе воспоставија одлична соработка со ФК Муногси од Белград Србија, ФК Фапа Софија, ФК Ровињ од Хрватска каде секоја година се одржуваат и Европски спортски игри. ( В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
