Во тек е зимскиот распуст на сите ученици, а со цел поттикнување на креативното и описно раскажување кај младите, ЛУ Библиотека „Благој Јанков Мучето“ од Струмица распишува литературен конкурс на тема „Мојот зимски распуст“.
Писмените творби треба да бидат посветени на начинот на кој младите го поминуваат зимскиот распуст – празниците, дружењата, патувањата, интересните случки и радости. Целта на конкурсот е да се поттикне креативноста кај учениците и квалитетното исполнување на слободното време, со што ќе се придонесе за оддалечување од електронските уреди и мобилните телефони.
Право на учество имаат сите ученици од основните и средните училишта. Творбите треба да бидат потпишани со име и презиме, училиште и телефонски број, а можат да се достават лично во Библиотеката или во електронска форма на е-поштата: bibliotekastrumica@yahoo.com, најдоцна до 15 јануари 2026 година (четврток).
Авторите на избраните творби ќе имаат можност лично да ги прочитаат своите дела на 16 јануари (петок) во 10:00 часот, во просториите на Библиотеката.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
