Летово во Стојаково во Општина Богданци има околу 300 штркови. Вака не информираше Роберт Иванџиков кој контуинирано ги пребројува и води евиденција на гнездата но и младите кои се испилуваат секое лето во ова населено место. Тој трди дека заклучно со 15 јули во Стојаково има 55 гнезда што значи 110 стари штркови а млади од 170 со 190 што е брока од околу 300 птици кои живеат заедно со жителите на Стојаково.
,,Во секое гнездо има по 3-4 штркови во просек. Се случува да снесат и 6 јајца, ама одгледуваат обично по 4, зборувам за едно добро гнездо. Доколку нема храна, машкото ги селектира или ако е со вродена мана исто ги селектира. Сите штркови се на столбови за струја. Милина за очи“, објаснува Роберт Иванџиков од селото Стојаково, кој долго време ги истражува и набљудува штрковите.
Во 2018 та во Стојаково биле регистрирани 37 гнезда со 74 возрасни и 134 млади штркови. Во 2020 се евидентирани 45 гнезда, 90 возрасни и 153 млади штркови Иванџиков вели дека овие птици бараат чиста и еколошка средина со многу ливади а токму атарот на ова село изобилува со чиста и богата со храна средина
Стојаково е во непосредна близина на македонско-грчката граница и брои околу 400 домакинства. Според Иванџиков штрковите населуваат еколошки чисти средини, што значи дека Стојаково максимално ги исполнува нивните услови за живеење.
,,Селото Стојаково е рамничарско село и има две големи предности: прво, има доволно безбедни места за гнездење речиси повеќето од гнездата се на далноводи, на кои често има платформи за штркови поставени од „ЕВН Македонија“, и второ, околните обработливи површини, близината на Вардар и влажните ливади околу локалитетот Ѓол и Ѓиренот нудат доволно храна за штрковите. Тоа се доволни предиспозиции за штрковите да имаат растечка и самоодржлива гнездечка популација во селото“ смета Иванџиков
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
