Градоначалникот Коста Јаневски го потпиша договорот за грант од Европската унија и Владата на Република Северна Македонија за реализација на неколку капитални проекти кои ќе се спроведат во општина Струмица во рамки на Проектот за локална и регионална конкурентност. Според информацијата од општината со грантот а во рамките на проектот се планира да се продолжи со реконструкција и реставрација на Цареви кули, да се осветлат бедемите и кулите на тврдината Цареви Кули, потоа да се доуредува трим патеката од Ловен дом до манастирскиот комплекс Св Илија.
Со проектот за локална и регионална конкурентност се планира и изградба, уредување и осветлување на пешачка патека од Ловниот дом до Цареви Кули но и уредување на планинско велосипедска патека од Чам Чифлик до Свети Илија
Овие капитални проекти ќе започнат да се реализираат во почетокот на месец јуни и имаат за цел надградба на туристичката понуда на општина Струмица, заштита на културно-историското наследство, подобрување на пристапноста и туристичката инфраструктура, но и создавање на подобри и побезбедни услови за граѓаните на општина Струмица за спорт, рекреација и прошетки на ридовите над градот.
Иако овој период овие активности се ограничени заради спречување на ширењето на корона вирусот, многу брзо, по нормализирањето на состојбата во државата ќе се создадат пријатни услови за дружење, прошетки во природа и подобрување на физичкото здравје на граѓаните.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
