Ленче и Горан Кукиќ освоија вкупно три награди на фолк вечерта на 31 издание на „Охрид фест – Охридски трубадури“. Ленче Кукиќ со песната ,,Добри ангели“ го освои жирито и ја понесе првата награда на годинашново издание од страна на стручното жири. Песната е во комплетно авторство на Дејан Ѓеоргиевски Ѕене кој се погрижи и за музиката, текстот и аранжманот.
Освен од жирито, Ленче Кукиќ ја понесе наградата и за најдобра песна од страна на новинарите што го следеа ,,Охрид Фест“ во Долни Сарај во Охрид. Награда понесе и нејзиниот сопруг – Горан Кукиќ. Тој ја освои наградата за најдобра интерпретација на годинашново издание на „Охрид фест – Охридски трубадури“. Ја отпеа песната ,,Уште си најубава“ која е на музика на Григор Копров, текст Борче Нечевски и аранжман Иван Кукиќ .
Награда од струмичките интерпретатори доби и Катерина Ристова која после шест години пауза се врати на музиката и песните. Таа ја понесе наградата за најдобар дебитант на годинашниов фестивал, исполнувајки ја песната ,,Дај боже дај“ музика и аранжман на Дарко Илиевски а текст на Ѓорги Калајџиев.
Годинава на фолк вечерта беа отпеани нови 18 фолк песни. Од публиката победник беше Благоја Грујовски со песната ,,Ноќва Охрид не спие“ (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
