Во текот на 2025 година, преку „СИСТЕМ 48“, јавниот сервис за пријавување проблеми на граѓаните, биле евидентирани вкупно 1.153 пријави поврзани со работата на општинските служби во општина Струмица.
Според податоците од сервисот, 1.046 пријави се целосно решени и одговорени, додека 107 пријави се во постапка на решавање и се доставени до надлежните служби, бидејќи за нив е потребен подолг рок од предвидените 48 часа.
Најголем број од пријавите се однесуваат на уличното осветлување – 777. Следуваат пријавите за собирање комунален отпад со 241 пријава, водовод и канализација со 74, паркови и зеленило со 70, улици, патишта и тротоари со 19, како и 12 пријави до општинските инспекциски служби.
Од „СИСТЕМ 48“ информираат дека сервисот останува достапен за граѓаните, кои проблемите можат да ги пријавуваат преку бесплатните телефонски броеви: 0800 1 48 48 и 076 48 48 48.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
