Низ населените места во струмичко денеска повторно се слушаа лазарски песни. Девојчиња облечени во бело или народни носии пееа песни и носеа цвеќиња или зелени гранчиња најавувајки го големиот христијански празник Велигден. Според православниот календар денеска Лазаровден или Лазарева сабота. На овој ден обичај е да се носат гранчиња од зелени дрвца што симболично го преставува свечното Христово влегување во Ерусалим каде што го пречекале следбениците.
Во Македонија овој празник има големо значење и масовно се прославува низ целата земја. Од раните утрински часови групи девојчиња – ЛАЗАРИНКИ облечени во традиционална невестинска облека или народни носии одат низ населените места и пеат лазарски песни. Така беше и во Иловица каде се приклучија и девојките од КУД Кирил и Методиј
,,Моме Митро,кротко јагне. Кротко играј на орото. Не ги дигај правето. Ќе напрашиш ергенето. На ергенни фесовето, на момите кавраците“
„Лани тука дојдовме Лани тука дојдовме Ни невеста најдовме ни дворови метени ни столови редени. Хеј хеј Лазаре заврти се пак свисе пак ср на богу помоли. Сега тука дојдовме и невеста најдовме и дворови метени и столови редени. Хеј хеј Лазаре заврти ср пак свисе па се на Богу помоли“
Во населеното место Дедино пак во Општина Конче, лазаринки има на Цветници. Тие ги посетуваат домовите каде има мали бебиња. Секоја од девојчињата го превзема малиот жител во раце и му пеат песна. Според старите, овој обичај е наследен од постарите и има за цел новиот жител во селото да има здравје и среќа а неговите најблиски да имаат бериќет. Во Дедино како што не информираа постарите жители, овој обичај го нарекуваат,,кошкање”
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
