Жителите на населеното место Дедино општина Конче ја негуваат традицијата оставена од старите. На празникот Цветници млади девојки облечени во традиционални носии пеат лазарски песни и го наговестуваат големиот христијански празник Велигден. Девојките лазаринки меѓу другото ги посетуваат домовите каде има мали бебиња. Секоја од девојчињата го превзема малиот жител во раце и му пеат песна. Според старите, овој обичај е наследен од постарите и има за цел новиот жител во селото да има здравје и среќа а неговите најблиски да имаат бериќет. Овој обичај е каректеристичен во општина Конче а преку видео го споделија жителите на Дедино преку нивната ФБ страната. Во видеото се гледа како неколку месечно бебе се пренесува од раце во раце и младите девојки му пеат. Во Дедино како што не информираа постарите жители, овој обичај го нарекуваат,,кошкање”
На овој ден се споменува чудесното воскресение на четиридневно упокоениот Лазар извршено од Исус Христос. Овој настан бил на шест дена пред предавството и убиството на Христос. На Лазарева сабота но и на Цветници обичај е да се носат гранчиња од врба што симболично претставува свечено Христово влегување во Ерусалим каде што го пречекале следбениците.
Во земјава овој празник има големо значење и масовно се прославува низ целата земја. Од раните утрински часови групи девојчиња облечени во традиционална невестинска облека одат низ населените места и пеат лазарски песни. Има повеќе лазарски песни и се користат според личниот, семејниот или општествениот статус на лицето за кое е наменета песната. Песните обично се со оптимистична и духовита содржина и посакуваат здравје, успех и напредок
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
