Легендарната струмичка песна ,,Ујдела Парашка за вода“ на Сандо Монев и Наско Џорлев – наскоро ќе добие ново ,,руво“. Имено групата „Алегро“ откако доби дозвола за авторските права ја преснима оваа песна при што истата има нов аранжман кој го изработи Златко Миладиновски. Песната се снимаше во студиото а Љупче Соколовски а женскиот вокал е на младата Драгана Костаова
,, Идејата беше на на нашиот Ѓорги Костов за обработка на оаа песна. Инаку во спотот кој го снимавме, учествувавме цел бенд а главната улога ја имаше Стојне Карадакоска или сега попозната ,,Баба Ружа“. За видеото е одговорен Кире Пиличев. Снимавме на Колешинските водопади, во Ројал парк, како и локациите околу училиштето „Маршал Тито“ во Струмица каде има автентична архитектура“, ни објасни Сандо Митев за новиот проект што го работат.
Песната влегува во монтажа. Се очекува деновиве и официјално да биде објавена од страна на групата „Алегро“ на своите социјални и youtube канали . Убедени се дека ќе го вратат сјајот на оваа култна песна со струмички дијалект.
,,Ова песа е поразлична од другите и има специфичен ритам. На нашки кажано „деветка“ и е шегобијна, весела и струмички најпозната песна. Веруваме дека ќе допре до сите струмичани биејки таа е култна песна за нашиот крај – посебно младите да се запознаат со музичките корени на оваа поднебје“, вели Митев кој упати благодарност до Панчо Соколов за отстапеното фичо но и до Ѓорѓи Калајџиев за разработената идеа и поддршка на стартот на овој проект. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
