Презентација на македонскиот фолклор, ора и песни, но и градење мостови на соработка и пријателства преку културата. Ова е мотото на КУД ,,Сушевски Бисери’’ од населеното место Сушево општина Василево кое од 2019 тата повторно се активираше со работа откако паузираше седум години. Тие се дел од сите позначајни културни манифестации во Југоистокот но и гости на повеќе фолклорни средби каде младите сушевчани со гордост ги преставуваат македонските традиционални ора со многу емоции и љубов.
,,Во 2019 година друштвото се реактивирше на иницијатива на младинци кои сакаа да изучуват и да презентираат фолклор, традиција и обичаи. Поради пандемијата од Ковид 19 функционирањето беше со намален интензитет. Од септември 2021 почнавме поактивно да се вложуваме во фолклорните игри и успеавме да направиме повеќе гостувања на настани во околните општини Бевме на фестивалот “Есенски плодови” во Подареш општина Радовиш, гостувавме на фестивалот на ора и танци во Смиљанци на меѓународниот во Зрновци Кочани, Ораовица, Чалакли, Босилово а организиравме и наш фестивал во чест на Велигден на кој учествуваа осум фолклорни ансамбли, кој ќе прерасне во традиционален,, ни изјави Христина Гошева
КУД ,,Сушевски Бисери’’ брои околу 40 тина членови, сите од населеното место Сушево. Едната група е на возраст од 5 до 12 години и брои 15 члена а другата е на возрасна граница од 12 до 18 години. Три пати неделно се на проба и ги вежбаат кореографиите со цел да се презентираат во најдобро светло. Доколку имаат настапи речиси секојдневно ги вежбаат чекорите со кои треба автентично да се пренесе одредено оро. Сето тоа го прават во отстапен објект во селото за што упатуваат благодарност до сопственикот.
Ова КУД настапува со изворни ора и танци со соодветна кореографија. Се избираат најчесто весели тематски содржини за настап. Со оглед дека се ограничени со традиционалните носии бидејки немаат средства да набават нови и за други кореографии, најчесто ги избираат оние традиционални ора што се белег на Источна Македонија.
,,Најголем проблем за напредок за нашето друштво е токму финансискиот дел, затоа што за поширок репертоар ни се потребни и нови носии кои во моментот ги немаме. Друго имајки го фактот дека секое авторско дело е заштитено за да научиме нова кореографија треба најпрво финансиски да го покриеме тој дел, ако нема финансии не можеме да понудиме и различен репертоар така да засега тоа ни е нај големиот проблем со кој се соочуваме не само ние туку и повекето аматерски фолк ансамбли,, вели Гошева која подвлече дека пари добиваат по пат на спонзорства најчесто од иселениците од Сушево но и од Општина Василево но во рамките на своите можности
Како што вели Христина, меѓу младите во Сушево има интерес за изучување на фолклорот посебно од најмладите каде кореограф е Борче Спасов кој своевремено беше еден од членовите на Сушевски Бисери. Работат повеќе кореографии од кои најновата им е ,,Радовишки Собор,, на Јовица Блажевски. Ги работат и Кумановка, Драчевка, Егејско, Жетварка, Малешевка, Водарки со кои настапуваат на фестивалите
,,Реакциите на публиката се се подобри и тоа претставува добар показател за наш напредок. Најбурни реакции до сега изнудивме од публиката на меѓународниот фестивал ” Пролетни средби ” во Чалакли – Валандово пред можеби и најмногубројна публика од сите наши настапи до сега. Публиката беше многу пријатно изненадена од тоа што го презентиравме пред неа а ние бевме изненадени од нивните аплаузи што ни даде уште по голема мотивација и знак дека сме на добар пат,, вели Христина Гошева
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
