По повод празникот Успение на Пресвета Богородица во Нова Маала општина Василево ќе се организира културна уметничка програма на која ќе се негува македонскиот фолклор и песна. Станува збор за програма која лани за првпат се организираше и на едно место собра голем број граѓани. Годинава настанот го организира КУД ,,Бежанци“ од Нова Маала , под покровителство на Општина Василево.
Според програмата, првиот ден, односно во недела на 24 август година, со свои изведби ќе настапат КУД „Бежанци“, Нова Маала, КУД „Злевски бисери“ од село Злеово и „Осоговски извори“ од село Оризари. Тие ќе изведата по неколку кореографии а тука ќе биде и ,,Комар бенд“
Централната манифестација ќе биде во пресрет на празникот, на 27 август со почеток во 21 часот со учество на Мирослав Мирчевски и групата „Грациозо“, како и КУД „Бежанци“, Нова Маала и КУД „Св. Кирил и Методиј“ од село Иловица.
Инаку, Советот на Василево, на една од своите седници едногласно донесе одлука за финансиска поддршка на оваа манифестација од страна на општината.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
