Двајца гевгеличани на возраст од 40 и 27 години заработија кривични пријави за криумчарење мигранти. Регионалниот центар за Гранични работи Југ, ги товари дека тие учествувале во транспротот на 142 мигранти во товарно возило со приколка откриени кај населното место Милетково – гевгелиско. Како што објави МВР станува збор за случајот од 10 јуни кога на стариот пат Милетково-Габрово во тешко товарно возила марка ,,ман’’ беа откриени мигранти а возачот избегал
,,Регионалниот центар за Гранични работи Југ поднесе кривична пријава против Б.А.(40) и К.Ѓ.(27) двајцата од Гевгелија, поради постоење основи на сомнение за сторено кривично дело “криумчарење мигранти“. На 10.06.2020 околу 05,40 часот од страна на мото-патролни служби на Полициската станица за Граничен надзор и Граничен премин Богородица на автопат Гевгелија –Скопје, било забележано товарно возило „ман“ со бугарски национални ознаки и приклучно возило, како се движело со голема брзина. Потоа мото-патролата се упатила кон товарното возило со цел да го запрат, а кај стариот пат од с.Милетково кон с.Габрово возачот го сопрел товарното возило и избегал. При преглед над товарното возило биле пронајдени 142 мигранти и биле приведени во полициска станица за понатамошна постапка’’, стои во објавата на Министерството за внатрешни работи
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
