Од годинава има Нова уредба со кои се утврдуваат поблиските критериуми за директни плаќања, односно кои се може да бидат корисници, кои се максималните износи но и начинот на директни плаќања за 2026. Конкретно станува збор за измена на начинот на распределба на субвенциите од државата кон земјдоелците односно лицата кои се носители на земјоделско стопанство.
За подмерката 1.3 – Директни плаќања по обработливa површина за градинарски култури на отворено и во пластеници, субвенции ќе добијат оние кои имаат најмалку 0.3 хектари односно три декари површина засеано со една култура. За хектар домати, пипер, краставици, корнишони, зелка, грав, компир, карфиол, морков- субвенциите изнесуваат 30 илјади денари или за еден декар 3 илјади денари. За лубеница, диња, модар патлиџан, цвекло, тиква, кромид, боранија, грашок, кељ, лук, праз, тиквички, зелена салата, брокула, спанаќ, целер, пашканат носителот на земјоделско стопанство може да добие 12 илјади денари за хекатар или 1 200 денари по декар.
За контролирани услови (загреани оранжерии/пластеници) земјоделското стопанство може да добие 120.000 ден за хектар или максимум исплата 2.500.000 ден по корисник. Но овде условот е да е продадено на домашен пазар или остварен извоз во период од 1 јануари до 15 мај 2026 година но и да има минимални просечни приноси
Градинарите може да добијат субвенции и за предаден зеленчук кај регистрирани преработувачки капацитети во период од 26 декември 2025 година до 25 декември 2026 година. Висината на директните плаќања изнесува 3 денари по килограм за сите градинарски култури освен за пиперката од сорта куртовска капија каде висината на директните плаќања изнесува 4 денари односно 5 денари по килограм за предадените количини во период мај-јуни 2026 година и ноември-декември 2026 година.
Новата Уредба може да се прочита ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
