Фолк Фест Валандово годинава ќе се одржи од 26 до 28 мај при што според програмата предвидени се две предфестивалски вечери кои ќе се одржат на валандовскиот плоштад и главната фестивалска вечер која ќе биде на 28 мај на фестивалската сала „Јанко Узунов“. Како што кажаа на денешната прес конференција на истата ќе бидат изведени 20 новосоздадени фолк композиции на кои ќе настапат млади но и искусни музички имиња од македонската фолк сцена со веќе докажани но и нови автори.
Како увертира на фестивалската вечер, на плоштадот во Валандово на 26.05.2023 (петок) настап ќе имаат: Распеани валандовчани, Јоце Панов и Жељко Самарџиќ, додека следниот ден 27.05.2023 (сабота) ќе настапат: Ефто Пупиновски, Ана Бекута и Куку Леле. Во недела е главната Фестивалска вечер на која ќе настапат следниве 20 интерпретатори со авторските екипи за секоја песна.
,,Фолк Фест Валандово, игра историска улога во создавањето и зајакнувањето на македонскиот идентитет. Преку истиот се создава нова вредност и се продолжува традицијата, која е од особена национална важност,, соопшти градоначалникот Перо Костадинов
Влезници за фестивалот, можат да се набават во Домот на култура 25Мај во Валандово по цена од 150 денари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
