Кошаркарите на СТРУМИЦА ФМП по славјето над градскиот ривал во првото коло, забележа висока победа и над БОРЕЦ БАСКЕТ . Во спортската сала „Никола Карев“ струмичани го надиграа велешкиот состав со 88:53
Избраниците на Златко Зетов и Ики Христов победата ја најавија уште во првите 10 минути кои ги добија со 28:14. Во ниту еден момент, гостите од Велес не делуваа како да можат да направат некој резултатски и играчки исчекор.
Димитар Пандев повторно се покажа како еден од поуспешните. Во противничкиот кош уфрли 25 поени. Александровски даде 20 а Јовановиќ 14 поени. Со исклучок на Митров и Николов сите други се запишаа како стрелци против Борец.
Во екипата на Борец баскет, Трпески постигна 18, а Сапроновски уште 12 поени.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
