Викендов продолжија натпреварите од Втората кошаркарска лига на Македонија каде Струмица пролетниот дел го стартуваше со победа. Во спортската сала при СОУ Никола Карев избраниците на Златко Зетов и Ики Христов славеа победа со 89:63 (24:22, 15:09, 19:23, 31:19) против Мега Баскет од Прилеп. Со ова победа струмичани кои се засилија за вториот дел од првенството ја надополнија кош разликата од поразот во првиот меѓусебен меч во Прилеп.
Новото засилување на струмичани кој играше за Чаир, Водно Санс и Работнички – Јован Александровски на мечот постигна 25. Исајлоски и Панов уфрлија по 18 а Предраг Пајиќ поранешниот кошаркарски репрезентативец исто така ново засилување на струмичани постигна 15 поени. Теодосиев против Мега Баскет запиша 11 а Шутаров 2 поени. Следното коло тимот од Струмица му гостува на Борец во Велес.
Ова е втора победа за кошаркарите на Струмица кои во втората лига настапуваат откако имаше фузија со Академија ФМП. Целта на струмичани кои лани беа во третата лига е опстанок во второто по квалитет кошаркарско натпреварување на Македонија и градење на клуб кој повторно ќе ја врати Струмица во кошаркарската елита.
Втората лига брои 12 екипи . Се огра 22 кола двокружен бод сисем ФИБА бергер секој со секого. Првите осум играат плеј офф за пласман во Прва лига, екипите на 9 и 10 место остануваат во Втора лига додека 11 и 12 пласираниот тим се селат во Трета лига
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
