Викендов стартува второлигашкиот кошаркарски шампионат на Македонија. Второто по квалитет кошаркарско натпреварување во земјава, ова сезона го отвора тимот на Струмица со кошаркарите на Црн Дрим од Струга. Мечот е закажан во спортската сала Парк со почеток во 13 часот, каде струмичани ќе се обидат со славје да ја стартуваат лигата која ова сезона ќе брои вкупно 12 екипи.
,, Имаме млада екипа која е надежна и жедна за докажување на кошаркарските терени. Наша цел е да одиме чекор по чекор во првенството и овие млади кошаркари да стекнуваат искуство и низ професионален пристап на секој меч да се обидеме да славиме. Одигравме неколку контролни средби и сметаме дека имаме тим за изненадувања,, кусо соопштуваат од стручниот штаб на КК Струмица во чиј состав се искусните Шајкаров, Абрашев, Димитриев, Мелов но и младите Зетов, Ахтаров Зимбаков, Алексиќ, Дончевски но и засилувањето Стојановски.
Во натпреварувачката 2021/2022 сезона тргнуваат 12 екипи. Само најдобрите две може да се надеваат на прволигашки статус. Првиот дел од првенството ќе се игра според двокружен бод систем – ФИБА-БЕРГЕР, дваесет и две кола секој со секого, дома и гости. Екипите од првото до осмото место играат плеј оф завршница. Четирите двојки ( осмо со првопласираниот, седмо со второполасираниот состав итн.) ќе играат на две добиени. Победниците играат за полуфинале при што се формираат две двојки каде екипите со два добиени меча стекнуваат прволигашки статус
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
