Првиот човек на Општина Струмица Костадин Костадинов објави дека угостителите се согласиле и прифатиле да ги отстранат констатираните неправилности од страна на инспекторите и да го ослободат плоштадот. Станува збор за поставена урбана опрема на јавен простор за кои општината најави дека ќе ги отстрани доколку сами не постапат угостителските објекти кои пак реагираа дека треба да се сочека да се донесе унифициран правилник за поставување на урбана опрема преку ЗЕЛС
„Сите угостители се согласија и прифатија да ги отстранат неправилностите кои ги констатираа инспекторите, и доброволно да го ослободат плоштадот. Верував дека ваквото решение е најдоброто – и за граѓаните и за угостителите. Како градоначалник, ќе бидам прв кој ќе застане зад иницијатива за измени на Законот за градење, каде на разумен и рационален начин ќе се вградат потребите на угостителите, но и ќе се зачува јавниот интерес на сите граѓани. Стар или нов правилник не го решава суштински проблемот – решението е во дијалог, почитување и разбирање. Благодарен сум за поддршката од граѓаните и од сите угостители. Само заедно можеме да си ја направиме нашата Струмица уште поубава“, вели Костадинов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
