Советот на општина Струмица денеска одржа свечена седница со што заврши одбележувањето на патроното на градот Св.15 Тивериополски свештеномаченици. За значењето на овој ден говореше градоначалникот на Струмица, Костадин Костадинов.
,,Треба да ја чувствуваме Струмица за своја, треба кон неа да се однесуваме како дел од нас, треба да ја доживуваме како наш трет родител. Да бидеме нејзини чеда, нејзини ќерки и синови, или во најмала рака да го имаме градот за пријател, оти пријателството не е ништо друго туку однос со висок степен на блискост кој се темели на длабока доверба, взаемна приврзаност и заеднички интереси и погледи. Ете такви пријатели треба да бидат Струмица и струмичани, а за такво пријателство е потребна отвореност, чесност, непосредност, искреност и взаемна почит и разбирање. Колку љубов ќе и дадеме на Струмица, со толку љубов таа и ќе ни возврати. Така било отсекогаш, така ќе биде и за векутума века.,, објави градоначлникот Костадин Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
