Градоначалникот на Општина Струмица Костадин Костадинов на ФБ објави дека денеска префрлил 15 милиони денари на ЈП Паркиралишта чии вработени неодамна се заканија со штрајк ако не ја добијат јулската плата и не се одблокира претпријатието. Костадинов во својот пост потенцира дека со овие пари не само што ќе има доволно пари за редовни плати утку и за нивно зголемување
„Денеска се префрлени 15.000.000 денари на сметката на ЈП „Паркиралишта Струмица“. Пари има доволно и за редовни плати, и за нивно зголемување. Ја испраќам јасната порака до синдикатот и до менаџментот на претпријатието: време е да се следи примерот на Општината. Потребно е покачување на платите за 20% и потпишување на нов колективен договор. Само мотивирани и вреднувани вработени ќе можат секој ден да ја даваат најдобрата услуга на граѓаните. Јас наоѓам решенија додека некој се обидува да злоупотреби вредни работници!“, објави градоначалникот на Струмица Костадин Костадинов
Синдикатот на ЈП Паркиралишта на 19 август реагираше за неисплатената јулска плата и најави штрајк ако работите на се средат во претпријатието. Тие соопштија дека сметката на Паркиралишта била блокирана заради долгови кон доверителите за завршени работи како што се Новогодишното украсување на Струмица и промената на канделабрите на старата чаршија и реконстуркација на јавното осветлување на улицата Сандо Масев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
