Првиот човек на Општина Струмица Костадин Костадинов денеска на прес конференција ја праша власта зошто се блокира реконструкцијaта на патот Струмица Дабиле. Како што кажа градежните оперативи и на ЈП за државни патишта и на Општина Струмица како и на ЕВН не може да работат, бидејки не се завршени имотно првните односи за одделни парцели. Костадинов потенцираше дека согласно потпишаната спогодба, таа обврска ја превзело ЈП за државни патишта
,, Оваа Спогодба општина Струмица ја има потпишано со Јавното претпријатие за државни патишта кое е под ингеренции на Министерството за транспорт и врски, а кое требаше целосно да ги реши сите имотно – правни односи за потребното земјиште. Но, од кога е потпишана Спогодбата експропријацијата не е решена, а со тоа ниту нашиот изведувач на општина Струмица, ниту изведувачот на ЈПДП, ниту ЕВН кој што треба да направи дислокација на одредени столбови, не можат да работат заради незавршени имотно – правни односи,, кажа Костадинов кој запраша Кој и зошто ја блокира Општина Струмица
Од ЈП за државни патишта одговорија дека Општина Струмица требало да обезбеди пристап до сите објекти долж трасата но Општината имало обезбедено само за дел од објектите.
,,ЈПДП има и официјални дописи со кои се обраќаме до Општината за надминување на проблемот, а во моментов онаму каде што се завршени експропријациите има доволен фронт за работа. Имено, проблемот со експропријацијата беше заради тоа што голем дел од објектите беа под хипотека на банките и мораше да се добие согласнот и од нив за да се изврши експропријацијата. Имотно правните односи беа решени уште пред десетина дена со што се создадоа услови да се започне со градежни активности. Минатата недела тимот на ЈПДП беше на увид и испрати покана и до општината, но тие не се одзваа на нашата покана,, стои во одговорот од претпријатието
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
