Градоначалникот на Струмица Костадин Костадинов денеска соопшти дека Струмица е првата општина која имала успех во борбата со аерозагадувањето со имплементација на повеќе административни и технички решенија односно последните десетина денови Струмица е град со најмало ниво на штетни ПМ 10 и ПМ 2,5 честички
,,Поточно, од 3.февруари до 19.ти февруари просечната загаденост на воздухот во Струмица е намалена за 50% во просек, или преку пример – ако минатата година просекот на ПМ 10 честички во воздухот се движел околу 100 ПМ10 честички на кубен метар, во првите две недели од февруари оваа година просекот се движи околу 50 ПМ10 честички на метар кубен“, соопшти Костадинов
Според него ваквите резултати се резултат на планот на Општина Струмица со мерктие кои ба превземени но и заради засилените инспекциски контроли. За овој период направени се 46 инспекциски надзори на локации кои се пријавени како потенцијални загадуачи на амбиенталниот воздух
,,Изготвени се 14 решенија за правни лица со рок за отстранување на утврдени неправилности меѓу кои и поставување на филтри, контрола на испуштање на загадувачки материи и 10 решенија за изработка на Елаборати за животна средина. Изречени се казни од 9000 евра за три правни субјекти и по 500 евра казна за одговорните лица во правните субјекти врз основа на член 37 став 4, казниво по член 130 став 1 од Закон за управување со отпадот. Девет физички лица се казнети со прекршочни платни налози во висина од 250 евра за согорување на отпад на отворено согласно член 37 од истиот Закон. За 5 физички лица издадени се писмени опомени,, соопшти Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
