По најавата дека вработените во ЈП „Паркиралишта“ Струмица спремаат штрајк доколку не се одблокира сметката на претпријатието и не се исплати јулската плата, првиот човек на општина Струмица Костадин Костадинов за Дрнка.МК вели дека општината редовно пушта пари кон ова јавно претпријатие. Како што ни одговори, во текот на вчерашниот ден биле пуштени милион денари кон Паркиралиша, но како општина ќе излезат во пресрет за да ова претпријатие функционира нормално.
,,Општината редовно пушта пари. Доказ за тоа може да побарате од секторот за финансии каде вчера се пуштени 1 000 000 денари согласно динамиката за плаќање која ја правиме во рамки на нашите обврски. Секако тука сме како Општина да излеземе во пресрет на менаџментот и најмногу на вработените во ЈП „Паркиралишта“ за да функционира претпријатието нормално“, изјави за Дрнка МК градоначалникот на Струмица Костадин Костадинов.
Менаџментот на ЈП Паркиралишта деновиве ги информирал вработените и синдикатот дека заради блокирана сметка не е во можност да ја пушти јулската плата. Заради навремено несервисирање на долгот за Новогодишното украсување на Струмица, реконструкција на јавно осветлување на ул. Маршал Тито (Стара Чаршија), реконструкција на јавно осветлување на ул. Сандо Масев и надвозникот кај Општина Струмица. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
