До средината на 2023 година, Струмица би требало да добие Младински центар каде што младите ќе може да ги презентираат своите потреби и преку разни дебати, форуми да бидат дел од креирањето на политките на општина Струмица. Вака најави градоначалникот Костадин Костадинов којочекува со отворањето на овој центар поголемо партиципативно учество на младите работата и функционирањето на општината во интерес на сите.
Младинскиот центар ќе биде во подрумот на општинската зграда на Струмица на површина до 400 квадратни метри. Градежните рабоит за адаптација и уредување на просторот ги доби фирмата Мајстор компани од Босилово за вкупна вредност од 116 илјади евра со вклучен ДДВ. Засега сеуште не е познат моделот кој ќе биде одговорен за Младинскиот центар каде треба да се реализираат дебати, работилници, промоции, забави.
,,Овој Центар ќе биде собиралиште на младите од Општината во кој ќе се реализирааат малдински и културни настани и работилници, но ќе биде и место на идеи за големи проекти со кои ќе се гордееме сите,, напиша градоначалникот на Струмица Костадин Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
