Градоначалникот на Струмица Костадин Костадинов на ФБ објави дека две фирми и нивните управители ќе заработат прекршочни платни налози бидејки општинскиот инспектор за животна средина при извршен вонреден надозр, констатирал неправилности и не билa почитувана законската регулатива. Како што е напишано, двете фирми ќе одговараат согласно член 37 став 4 од Законот за управување со отпад при што правното лице ќе биде казнето со 9 000 евра додека управителот со 500 евра.
,,Кај два правни субјекти ќе биде поведена прекршочна постапка согласно член 37 став (4) од Законот за управување со отпадот со издавање на прекршочен платен налог со казна во висина од 9000 евра за правниот субјект и 500 евра за управителот на правниот субјект на надзор,, стои во објавата на градоначалникот Костадинов
Градоначалникот Костадинов не прецизира за кои фирми станува збор ниту пак за што ќе бидат казнети. Но во посочениот закон во член 37 став 4 стои:
,,Се забранува горење или согорување на отпад на локации кои н се наменети за таа цел, како и користење на уреди и инсталации за кои не е издадена соодветна дозвола согласно закон или во кои горењето или согрувањето на отпадот може да ја загрии животната средина, животот и здравјето на луѓето“
Општинскиот инспектор за животна средина извршил 6 инспекциски контроли и тоа кај 4 фирми со дејност производство на друг мебел, една за произвдоство на амбалажа од пластични маси за пакување и кај една фирма за изработка на метални конструкции.
,,За три фирми ќе се донесе Решение за изработка на Елаборат за животна средина и да се превземат соодветни технички мерки за вградување на филтер со кој ќе се намали, спречи и контролира негативното влијание врз квалитетот на амбиентниот воздух а за еден правен субјект ќе се донесе Решение согласно дејноста која ја обавува да се изработи елаборат за животна средина согласно член 24 од Законот за животна средина,, стои во објавата
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
