Во Струмица одбележана годишнината од загинувањето на апостолот на македонското револуционерно движење Гоце Делчев. По тој повод пред споменикот во центарот во Струмица преставници на Општина Струмица, политички партии и организации положија свежо цвеќе а за улогата и животот на Делчев зборуваше градоначалникот на Струмиа Костадин Костадинов кој подвлече дека тој 4 мај 1903 година е настан кој одекна како гром од ведро небо и низ македонските села и градови, но и на страниците на европските и светските весници и списанија.
,,Згаснувањето на животот на најголемиот македонски син ја зави татковината во црно, а македонската почва беше натопена од солзите на младо и старо, на машко и женско, на сите оние кои будни сонуваа за ослободување од петвековното отоманско ропство, а токму во ликот на Гоце Делчев ја гледаа најголемата можност тој нивен сон да се претвори во јаве. Многумина, во различни периоди од нашата историја, се заслужни за тоа слободарско сонце, но се чини дека Гоце Делчев се наоѓа на највисокото место од пиедесталот на македонскиот непокор.Токму затоа, името на Гоце Делчев и неговото дело, треба да ги чуваме како наше најголемо богатство,, објави на ФБ градоначалнилкиот на Струмица Костадин Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
