Првиот човек на Струмица Костадин Костадинов објави дека водата во струмичкиот водовод е чиста, питка и безбедна за пиење. Како потврда ги приложи анализите од двете последователни анализи од акредитираната лабараторија за хемиско – физичкиот состав како и една анализа од акредитирана лабараторија од микробиолошки аспект. Тој попладнево заедно со директорот на Комуналец Љупчо Љачев, раководителот Стојан Ефтимов испијаа по една чаша вода од чешмата на филтер станицата.
Анализите како што кажа градоначалникот Костадин Костадинов се во рамките на дозволените граници. Се чекаат резултатите од Институтот за јавно здравје за да инспектор од Агенцијата за храна и ветеринарство даде дозвола за користење на водата за пиење од струмичкиот водовод на кој се приклучени и шест населени места.
Градоначалникот Костадин Костадинов уште еднаш побара од министерот за земјоделство шумарство и водостопанство Цветан Трипуновски да се објават резултатите од испитувањата од водата во брана Турија за да се знае каква вода испорачува АД Водостопанство до струмички Комуналец
Инаку, Струмица и шест населени места веќе три недели се без вода за пиење, а од 8 овој месец водата за пиење е забранета за употреба и во Општина Василево, која исто како и Струмица со вода се снабдува од акумулацијата „Турија“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
