Во организацијата на Фондацијата „Елеуса“ од Струмица и Општина Босилово во Домот на културата во Босилово се одржа Концерт на добрината за да се помогне на Наце Ристов од Едрениково за кого се собираат средства за негово лекување во Турција. Настапија ансамблот Симбиоза од Скопје и вокално инструменталниот состав Стихири при Струмичката православна епархија кои со своите точки успеа да ја спојата музиката, традиционалните ора со хуманоста.
Домот на културата во Босилово беше претесен да ги собере сите кои сакаа да донираат но и да го видат ансамблот „Симбиоза“ од Скопје составен од млади ентузијасти – почитувачи на македонскиот фолклор и песна. Тие пред публиката се преставија со повеќе кореографии но и песни.
Станува збор за ансамбл формиран лани во ноември од страна на младите ентузијасти, сегашни и поранешни ученици од ДМБУЦ „Илија Николовски – Луј од Скопје, Дарио Стојановски, Анастасија Илиевска, Кристијан Митревски и Александар Ицковски. Нивната визија е оживување на традиционалната, нематеријална и материјална култура со комбинирање на класичната и традиционалната музика во една сценско-уметничка целина.
Пред присутните се преставија и членовите на вокално инструменталниот состав „Стихири“ од Струмица кои под палката на професорката Маја Витанова ги отпеа познатите „Три години стана“, „Антице мори душице“, „Јовка Кумановка“ како и неколку Божиќни каланди заедно со вокалните групи на Симбиоза.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
